Home Blog Page 2

Ogie Diaz pumalag sa mga balita na nakabuntis na diumano si Bimby Aquino ng isang artista

Pumalag ang showbiz reporter at talent manager na si Ogie Diaz sa mga tsismis na diumano’y nabuntis ng anak ni Kris Aquino na si Bimby ang aktres na si Miles Ocampo.

Sa kanyang Youtube video, ikinagulat ni Ogie ang mga kumakalat na balita na magkaka anak na daw si Bimby kay Miles.

Naniniwala si Ogie na nanghahakot lamang ng views ang mga Youtube channel na nagbalita nito.

“Nakakaloka! Diyos ko! Miles Ocampo, buntis? Hulaan mo kung kanino. Si Bimby Aquino Yap,” ani Ogie Diaz.

“Umaagaw lamang po ng atensyon para magkaroon ng maraming views. Buti na lang matatalino ang netizens ngayon, hindi basta-basta naniniwala, hindi gullible.” dagdag niya pa.

Hindi naman daw totoo ang balita lalo na’t bata pa lamang si Bimby.

“Hindi naman tayo sa edad lang para makabuntis, dapat 18 na para makabuntis, hindi. Ang nakakaloka, hindi nila kinonsider na si Bimby ay 14 years old lamang at 24 si Miles.” paliwanag ng talent manager.

Nakiusap si Ogie sa mga Youtube channel na gumagawa ng maling balita kay Bimby na maawa sana sila sa bata.

“Utang na loob, yung nabuntis si Miles, para makagawa lang po tayo ng issue, para lang magkaroon tayo ng views sa ating YouTube channel. Utang na loob, tigilan niyo ‘yan. Ang dami diba? Kailan kayo hihinto? Nakakaloka kayo.” 

Matatandaan na pinuna na din noon ni Kris noong Marso ang mga Youtube channel na nagpapakalat ng maling balita sa kanyang anak.

Ilan sa mga videos na ikinalat sa Youtube ay ang balita na nakabuntis na daw diumano ang panganay ni Kris na si Josh.

Mariin namang itinanggi ng host ang nasabing balita.

Hanggang ngayon ay hindi padin tumigil ang mga nasabing Youtube channels sa pag gawa ng mga nasabing video.

Facebook Comments

Candy Pangilinan, ikinuwento ang pagtataksil sa kanya ng dati niyang asawa: “Totoong hindi ko bra yun. Hindi talaga,”

Sa unang pagkakataon ay nagsalita na si Candy Pangilinan sa naging karanasan niya sa dati niyang asawa.

Inilahad ito ni Candy sa panayam sa kanya ni Toni Gonzaga sa online talkshow na ‘ToniTalks’ kung saan ay ikinuwento niya ang isa sa mga pinakamalungkot na yugto ng kanyang buhay.

Ayon kay Candy ay hindi pa sila kasal ng kanyang dating asawa ay talagang nambababae na ito.

Akala niya ay kung ikakasal sila at magkaka anak ay titigil na ang kanyang asawa sa ginagawang kalokohan ngunit hindi parin daw ito tumigil.

“Even before kami kinasal, meron na akong mga nahuli,” kwento ni Candy.

“Pero kasi, di ba, yung babae, feeling mo people change? Feeling ko a baby will save it—so nabuntis ako—but no.” dagdag niya pa.

Ang masaklap pa nito ay kahit nagbubuntis pa siya ay sinusubukan na ng kanyang dating asawa na makipaghiwalay sa kanya.

“Before I gave birth, nandiyan pa naman siya, pero sinasabi niya sa akin na iiwanan niya ako,” kwento niya.

Sabi pa ng kanyang dating asawa ay dapat magpasalamat siya at binigyan pa siya ng “souvenir” nito bago iwan.

Ang binabangit ng dating asawa ni Candy na souvenir ay ang kanilang anak.

Isang buwan matapos niyang manganak ay iniwan na siya ng kanyang asawa.

Naapektuhan din daw ang kanyang mental health sa ginawa sa kanya ng kanyang dating asawa kaya naman nagpatingin ito sa doktor.

“Nagpa-psychologist ako. Kasi, sinasabi ng ex ko before, baliw daw ako. Sabi niya, ‘Baliw ka. Kasi pinaghihinalaan mo ako may babae.’ Sabi ko, ‘So, baliw ako?’ Kaya siya umalis dahil baliw ako. Pero feeling ko talaga, meron. So, nagpa-check talaga ako sa doctor kung talagang baliw ako.” ani Candy.

“Hindi naman daw. Kasi totoong hindi ko bra yun. Hindi talaga, e.” dagdag niya pa.

17-years old na ngayon ang kanyang anak na si Quentin.

Ngayon ay naka move-on na naman si Candy sa tulong ng kanyang counselor at mga taong nasa paligid niya.

 

 

Facebook Comments

Coco Martin, may karapatan daw tumakbo sa kahit anong posisyon sa eleksyon ayon sa isang beteranang host at manunulat

Naniniwala ang isang beteranong manunulat at host na may karapatan ang aktor na si Coco Martin upang tumakbo sa susunod na taon sa eleksyon.

Sa isang artikulo, ikinumpara ni Lolit Solis si Coco Martin sa ilang artista na sinubukang pumasok sa politika at nagtagumpay katulad ni Senador Lito Lapid na isang dating action star.

“Kung gusto ni Coco Martin na tumakbo sa election sa kahit ano pang posisyon, karapatan niya Salve. Iyon sinasabi na pinipilit siya ni Lito Lapid, kung tutoo , bakit hindi niya subukan. Si Lito Lapid ang puwede niyang gawin malaking example para magkaruon siya ng lakas ng loob. Mula sa pagiging stuntman, extra, action star, ngayon isa ng Senador,” ani Lolit.

“Kung nagawa ni Lito Lapid, bakit hindi magagawa ni Coco Martin ? Kung anuman ang dahilan ng mga tao na iboto si Lito Lapid iyon din ang puwede maging reason para manalo si Coco Martin,” dagdag niya pa.

Paliwanag pa ni Lolit, nanalo ang mga party-list na inendorso ni Coco Martin at ng kanyang palabas na Ang Probinsiyano kaya’t naniniwala siya na mataas ang tsansa ng aktor na sa eleksyon.

“Sa tagal ng Probinsiyano sa ere, magkaruon nga ng 2 Party List na parehong nanalo sa election, iyon mismo pang si Coco Martin ang hindi mananalo. Sureball na sa dami ng mga nanuod ng Probinsiyano, sa naging tatak nito sa utak ng manunuod , tiyak na matatandaan nila ang pangalan Coco Martin isulat sa balota,” sabi ni Lolit.

“In fairness, kahit sa mga kasamahan niyang artista mabango ang pangalan ni Coco Martin. Marami siyang naging kaibigan kaya siguro marami din ang nagbibigay lakas loob sa kanya. So kung gusto niya tumakbo, go go Coco Martin. Karapatan mo iyon,” dagdag niya pa.

Isa si Coco Martin sa mga pinakasikat na artista ngayon sa Pilipinas dahil sa kanyang palabas na Ang Probinsiyano na nasa ere na ng ilang taon.

Hindi pa nagbibigay ng pahayag si Coco kung susubukan niya talagang pumasok sa politika.

 

Facebook Comments

Internet celebrity, kulong matapos lumabas habang may naka drawing na face mask sa kanyang mukha

Isang internet celebrity ngayon ang nahaharap sa reklamo dahil sa ginawa niyang prank kung saan ay pumunta siya sa pampublikong lugar ng walang face mask.

Sa video ng Instagram celebrities na si Josh Paler Lin and Leia Sin ay makikita ang kanilang ginawang paglabag sa basic health protocols na hindi pagsosoot ng face mask.

Sinubukan nilang itago ang kanilang paglabag sa pamamagitan ng pagpipinta nila ng face mask sa kanilang bibig.

Nag umpisa ang nasabing prank ng sila ay hindi papasukin sa isang mall sa Bali, Indonesia dahil hindi sila nagsoot ng face mask.

Imbis na sumunod sa sinabi ng security guard sa kanila ay bumalik sila sa kanilang sasakyan upang mag drawing ng face mask sa kanilang mukha.

Pagbalik nila sa nasabing supermarket ay gumana naman ang kanilang ideya at pinapasok sila ng security guard na walang kaalam alam na wala naman talaga silang soot na face mask.

Inulan ng batikos ang nasabing prank ni Josh na isang Taiwanese at Leia na isa namang Russian dahil sa ginawa nilang paglabag sa basic health protocols.

Matapos makita ng mga otoridad ang video ay inaresto kagad nila ang dalawa dahil sa paglabag sa health protocols.

Ngayon ay nakakulong ang dalawa at nahaharap din sa posibleng deportation.

Humingi naman ng tawad ang dalawa online.

“I made this video to entertain people because I’m a content creator and it is my job to entertain people,” ani ni Leia.

“However, I did not realise that what I did could actually bring a lot of negative comments,” dagdag niya pa.

 

Facebook Comments

‘GCash Budol” na si Daisy Dimaculangan, pinaghahanap na ng mga netizens dahil sa dami na ng naloko nito

Pinaghahahanap na ngayon ng mga netizens ang tinaguriang ‘budol’ sa Facebook na si Daisy Dimaculangan matapos nitong biktimahin ang isang netizen na humihingi ng tulong upang mapagamot ang kanyang ama.

Nag umpisa ang isyu matapos siyang maloko ng nasabing budol ng mag post ang netizen na si Jayvee Buracan sa kanyang social media account upang mangalap ng pondo para sa kanyang ama na may sakit.

Marami mang natanggap na tulong si Jayvee ay nasayang lamang ito lahat ng mabiktima siya ni Daisy na nagpanggap na magbibigay ng donasyon para sa ama ng biktima.

Umabot ng mahigit 15,000 pesos ang nakuha sa GCash account ni Jayvee na nakumpirmang ipinadala sa nagngangalang ‘Daisy Dimaculangan’.

Ang pera na nakuha sa GCash ni Jayvee ang naipon sana ng netizen upang ipampagamot sa kanyang ama.

“Bakit ako pa? Sa dinami dami bakit ako pa? Paki tulungan po ako please. Paki trace po yung number,” ani Jayvee.

“Hindi ko na po alam gagawin ko, nag tiwala lang naman po ako pero nasobrahan,” dagdag niya pa.

]

Libo libong netizen naman ang nangako na tutulungan si Jayvee na hanapin ang suspek na madami na palang naloloko sa social media.

Ilan sa mga modus ni Daisy ay ang pag gamit ng ilang larawan ng mga may sakit upang makapanloko ng tao at makahingi ng pera gamit ang kanyang GCash.

Tila kilalang kilala na nga si alyas Daisy at madami na pala ang nakakakita sa mga modus ng suspek.

May mga ilan naring netizen ang ipinakita ang mga posibleng tao sa likod ni Daisy Dimaculangan at isa na rito ang isang lalaki na diumano’y anak ng suspek.

Kinuyog din ng mga netizen ang isang babae na nagngangalang Daisy Dimaculangan ngunit ipinaliwanag naman ni Jayvee na hindi ito ang tao na nanloko sa kanya.

Sa kasamaang palad ay kahit na nabiktima na si Jayvee ay patuloy parin na may gumagamit ng kanyang pangalan upang makapanloko ng tao.

Kanina lamang ay may mga tao na diumanong nanghihingi ng pondo sa social media gamit ang pangalan ni Jayvee kahit na wala niyang permiso.

Hindi pa nagbibigay ng pahayag ang mga otoridad kung gumagawa na ba sila ng aksyon para tulungan si Jayvee na mahuli si Daisy Dimaculangan.

Sa mga gustong magbigay ng tulong ay maari lamang ninyong padalhan ng mensahe si Jayvee sa kanyang Facebook account.

Facebook Comments

10,000 tao na pumunta sa community pantry ni Angel Locsin, kailangan daw i-contact trace dahil sa posibleng pagkahawa nila

Panibagong sakit sa ulo ang kakaharapin ng Quezon City Government dahil sa 10,000 katao ang kailangan nilang hanapin dahil sa community pantry na itinatag ng aktres na si Angel Locsin sa kanyang kaarawan nitong Abril 23.

Sa isang panayam, sinabi ng alkalde ng Quezon City na si Joy Belmonte na dalawa sa mga pumunta sa community pantry ni Angel ang nag positibo sa nakakahawang sakit.

Dahil dito ay kinakailangan nilang hanapin lahat ng 10,000 na pumunta sa nasabing pagdiriwang.

Matatandaan na hinimok na ni Belmonte ang lahat ng pumunta sa community pantry ni Angel na magpa-swab test na libre namang ibibigay ng Quezon City Government.

“Hindi natin puwedeng isantabi ang posibilidad na nagkahawahan dahil sa dami ng dumalo. Mabuti nang makasiguro na hindi natin mahawahan ang ating pamilya at mga kasama sa komunidad,” CESU chief Dr. Rolando Cruz said.

Naging kontrobersiyal ang nasabing community pantry ni Angel dahil sa pinagkaguluhan ito ay may isa pang matanda na nasawi.

Pinuna rin siya dahil sa pag-anunsyo niya ng kanyang community pantry sa social media kung saan ay milyon milyon ang kanyang followers.

Humingi naman ng tawad si Angel sa kanya at sinabi na hindi naman niya ginusto ang nangyari.

 

Facebook Comments

‘Egg Tray Queen’ na si Maricar Adriano, namigay ng itlog sa kanyang mga kapitbahay

Tila bumabawi na ngayon ang tinaguriang ‘egg tray queen’ na si Maricar Adriano ilang linggo matapos siyang sumikat sa social media dahil sa paninimot ng isang community pantry sa Pasig.

Sa isang video ng vlogger na si Maharlika ay ipinakita niya ang ipinakitang kabutihan ni Maricar sa kanyang mga kapitbahay sa pamamagitan ng pagbibigay niya ng itlog.

Matatandaan na naging viral ang litrato noon ni Maricar habang dala dala ang isang tray ng itlog sa community pantry ni Carla Quiogue.

Paliwanag ni Maharlika, dapat ay bigyan parin ng pagkakataon si Maricar na makabawi sa kanyang mga nagawa.

“Hindi po ito pagto-tolerate sa maling nagawa ngunit ito ay pagbibigay ng pag asa sa mga taong nadadapa at nagkakamali dahil minsan sa buhay natin ay nagkakamali tayo,” ani Maharlika.

“Natuto tayo sa ating pagkakamali, so si Maricar, maaring naging daan siya para mas madami po ang makatikim ng itlog,” dagdag niya pa.

Punto pa ng vlogger ay makikita naman sa lugar ni Maricar ang hirap ng kanilang buhay kaya naman hindi niya ito masisisi kung bakit nila nagawang simutin ang isang community pantry.

Dahil dito ay nagpadala siya ng mga itlog kay Maricar upang makita kung ano nga ba ang gagawin nito sa mga ibinigay sa kanya.

Todo pasalamat naman si Maricar sa kanyang mga natanggap kay Maharlika na ipinamahagi niya naman kagad sa kanyang mga kapitbahay.

“Thank you po ma’am Maharlika sa mga ibinigay niya, salamat po,” ani Maricar.

May mga netizens naman na pumiri sa ginawang kabutihan ni Maricar at pinayuhan siya na wag ng ulitin ang kanyang ginawa.

 

Facebook Comments

Panghihingi ng 10,000 piso kada buwan na ayuda ng ilang grupo, binatikos ng ilang netizens

Isang grupo na nakisali sa protesta nitong Mayo 1 ang humiling na bigyan sila ng ayuda na tumataginting na P10,000 kada buwan.

Sa kanilang protesta, sinabi ng grupong Ayuda Network na madaming tao ang sobrang apektado na ng nangyayari sa bansa kaya naman ay humihiling sila ng tulong mula sa gobyerno.

Nakadagdag pahirap din daw ang lockdown na ipinapatupad ng gobyerno sa mga tao.

“Many full-time workers became part-time or they had work in rotation. Workers tried to find different means of income, but the lockdown has limited their livelihood options,” ani Buddy Carranza ng Ayuda Network.

Ayon sa kanila ay hindi sila titigil hangga’t hindi ibinibigay ng gobyerno ang kanilang hiling.

“People need economic relief now so they can provide for their families and strengthen their health and immunity,” sabi niya pa.

Tumaas naman ang kilay ng ilang netizens sa hiling na ayuda ng nasabing grupo.

“Ang kakapal ng mukha nyo!!!! Mag trabaho kayo nakakahiya naman sa mga nag hahanap buhay na putol ang paa at yung iba bulag yung iba putol kamay tapus kayo ang lalaki ng katawan nyo nanghihingi kayo ng ayuda??” ani Marge Maganda.

“Jan kau magaling ang umasa nlng sa ayuda! Matuto din sana kau dumiskrte sa buhay! Daig nyo p mga inutil, mga pasaway kau! Buti p mga mahihirp marunong dumiskarte, kau ke lalaki mga katawan nyo d kau marunong dumiskarte, kakapal ng mukha nyo!” sabi naman ng isa pang netizen.

May isa pang netizen ang ipinakita ang isang PWD na nagta-trabaho kahit siya ay may kapansanan para kumita lamang.

“TINGNAN NIYU C KUYA MAY KAPANSANAN PERU HINDI UMAASA SA AYUDA…MGA TAMAD KAYO PALAMUNIN,” comment ni Aissa Eborde.

Hindi pa nagbibigay ng tugon ang palasyo sa hiling na 10,000 piso kada buwan na ayuda ng nasabing grupo.

 

Facebook Comments

James Yap may mensahe sa mga netizens: “Sigurado akong hindi bakla sa Bimby”

Nagsalita na sa unang pagkakataon ang dating basketbolista na si James Yap tungkol sa usap usapan sa kasarian ng kanyang anak sa television host na si Kris Aquino na si Bimby Aquino Yap.

Sa isang panayam, sinabi ni James na naniniwala siya na hindi gay ang kanyang anak na si Bimby kahit na madaming netizens ang nagsasabi na may kakaiba sa ikinikilos ng bata.

“Miga, tahimik lang ako gani parte sa issue na agi kuno si Bimby kay kabalo ko indi man guid siya agi. Dili ako gapati sa kucho-kucho. (Tahimik lang ako sa isyu tungkol sa tsismis na bakla daw si Bimby kasi alam ko na hindi naman ‘yun totoo),” ani James.

“I was with Bimby till he turned 7, that’s why I know he’s a real boy. Because even when a kid is still young, it’s already obvious if he’s gay. Naintindihan ko si Kris. S’yempre, sa iya nagdako si Bimby kaya nagreact guid siya sa isyu. (Naiintidihan ko si Kris dahil lumaki siya kasama si Bimby kaya talagang papatulan niya yung isyu na ibinabato sa anak niya),” dagdag niya pa.

Matatandaan na ilang beses ng inakusahan si Bimby ng pagiging gay dahil daw sa kilos at pananalita nito na tila daw ay malambot.

Ngunit itinaggi ito ni Bimby at sinabi na siya ay isang straight.

“Wala, I don’t really feel anything. If you think I’m gay, alright. But you do realize that the gay community sa Philippines is a strong community. And you do realize that I’m 14,” sabi ni Bimby.

“I know what I am. I’m straight as an arrow,” dagdag niya pa.

 

Facebook Comments

Ilang magulang gumawa ng liham para kay Pangulong Duterte upang ipagbawal ang “Mobile Legends” sa Pilipinas

May ilang magulang ang hiniling sa mismong Pangulo ng Pilipinas na si Rodrigo Duterte na ipagbawal na ang mga mobile games katulad ng Mobile Legends (ML) dahil nakakasama daw ito sa kanilang mga anak.

Sa Facebook group na “Official Letter to the President Rodrigo Roa Duterte”, viral ang isang liham kung saan hiniling ng isang magulang na ipagbawal na ang ML dahil daw sa masamang epekto nito sa kabataan.

Ayon kay Mharia Gracia Pajares Pagado na siyang nag post ng nasabing liham ay sinabi niya na nawawalan daw ng disiplina ang mga kabataan dahil sa paglalaro ng nasabing mobile game.

“Please kung pwede pong pki disable na ung game na ML Online. Parents ok b kayo kung sakali? Kasi ung mga batang naglalaro ng ML MOBILE LEGEND nagiging matigas ang ulo, nawawalan ng disiplina sa sarili at pala sagot sa magulang dahil ayaw paistorbo sa paglalaro,” ani Pagado.

Naniniwala ang nasabing netizen na ang ML daw ay ginawa ni “Satanas” upang kontrolin ang utak ng mga kabataan at maging masama ang ugali nila.

Hinimok naman ni Mharia ang iba pang magulang na ipakalat ang nasabing liham.
“Tulungan natin ang mga kabataan na maging progreso at matuto ng mas mahalagang gawain kesa mag ML. Kaya sana bigyan ito ng aksyong ng ating gobyerno bago lumala ang ating mga kabataan. Salamat sa pag aksyon!”

Hindi pa nagbibigay ng tugon ang Malacanang sa nasabing liham.

Dahil sa umuunlad na ang teknolohiya sa mundo ay mas madali ng naaabot ng mga kabataan ngayon ang pagkakaroon ng mga gadgets katulad ng smartphone.

Isa ang Pilipinas sa mga bansa na may pinakamaraming gumagamit ngayon ng smartphone kaya naman kada lingon mo ay may makikita kang gumagamit ng nasabing gadget.

Ayon sa isang artikulo mula sa Philippine News Agency ay sinabi ng psychology professor na si James Phillip Ray Pinggolio na hindi naman daw masama ang paglalaro ng mobile games, ngunit maari itong makaapekto sa ilang aspeto ng ating buhay.

Hinimok naman ni Pinggolio ang mga netizens na kung hindi nila makontrol ang kanilang pagkahilig sa mobile games at naapektuhan na nito ang kanilang buhay ay kumonsulta sila sa mga eksperto.

Facebook Comments