Home Blog Page 2

Kakampink Chef, sinubukan kung kaya nga bang mabuhay ng isang Pilipino sa budget na 500 kada linggo

Sa patuloy na pagtaas ng presyo ng mga bilihin ay tuloy tuloy ang diskarte ng mga Pilipino para mapagkasya ang kanilang budget sa pang-araw araw.

Isang netizen ang ibinahagi sa social media ang kanyang abilidad na pagkasyahin ang limang daang piso para sa kanyang kakainin sa loob ng isang linggo.

“500 php sapat na sa 1 week na gastos bilang buhay single.. hehe.. #nasapagbudgetlang yan #wokeslangangnagrereklamo,” sabi ng nasabing netizen.

chef guison 2
Larawan mula kay Chef Gelo Guison/FB

Kaya naman isang chef ang sinubukan kung totoo nga bang kayang pagkasyahin ng P500 para sa pagkain ng isang tao sa loob ng isang linggo

Sa kanyang video, ibinahagi ni Chef Gelo Guison na totoo ngang kasya ang P500 kung gagayahin ang mga pinamili ng nasabing netizen.

Ngunit ang problema ay kulang sa sustansya ang mga produkto na pinamili ng nasabing netizen.

guision 3
Larawan mula kay Chef Gelo Guison/FB

“So ang tanong ay napagkasya niya ba ‘yung 500? Napagkasya niya.” ani Guison. “Pero anong source ng protein niya, isang lata ng corned beef, isang lata ng tuna at carbs na at high in sodium na pancit canton, instant noodles?”

“Kunting minerals and vitamins coming from mixed vegetables? Masustansya ‘yon? Ang tawag doon empty calories, ibig sabihin mabubusog ka pero walang gaanong sustansya, yun ba talaga ang gusto nating kainin?” dagdag pa niya.

Pinaalala naman ng chef na walang pinipiling kulay sa politika ang nangyayaring pagtaas ng bilihin ngayon at lahat ng Pilipino ay tinatamaan nito.

Sa ngayon ay may 530,000 views na ang nasabing video ng chef.

Ilang netizens naman ang nagbigay ng kanilang opinyon.

“One week??? imagine kakain ka ng nova sa hapunan HAHAHAHHAHA kakaloka yung nagsabi na 500 is good for one week. aminin man natin o hindi, hindi sapat ang 500 a week kahit pa mag jowa lang kayo na kakain. rice, condiments and mismong sangkap para sa desenteng ulam is kulang ang 200. masyado na kas silang nabulag ng pride nila nung eleksyon,” sabi ni Hanny Cabrera.

“Hay naku, chef ka pa naman tapos ayaw magbudget at iaasa sa gobyerno? Lahat ng bansa nakakaranas ng inflation. Nga pla, iba nga pla binoto mo kaya ganyan ang approach mo.” wika naman ni Yssa Oganon.

 

Estudyante, isang buwan ng nasa ospital dahil sa pamamato ng scotch tape ng kanyang guro

Isang buwan ng nasa ospital ang isang estudyante matapos itong magtamo ng pinsala sa kanyang ulo dahil sa ginawang pamamato sa kanya ng kanyang guro.

Ang nasabing grade 12 student na nag-aaral sa Dadiangas North High School sa General Santos City ay pabalik balik na diumano sa ospital dahil sa patuloy nitong pagkahilo at pagpapakita ng mga malalang sintomas.

Nakilala ang guro na si Christina Britaña na hindi diumano napigilan ang sarili na batuhin ng isang rolyo ng scotch tape ang 19-anyos na estudyante dahil sa sobrang pagiging pasaway nito.

dadiangas north 01

Sa kasamaang palad ay tumama ang scotch tape sa mismong ulo ng biktima.

Makikita sa isang video na agad na nahilo ang estudyante dahil sa matigas na bagay na tumama sa kanyang ulo.

Ayon sa mga doktor ay kinakailangan na ma-operahan ang estudyante dahil sa namumuong dugo sa kanyang utak.

Nagtulong tulong naman ang ilang mga guro ng nasabing paaralan upang makapalikom ng pondo para sa pagpapagamot ng estudyante.

Sa ngayon ay umaandar na ang imbestigasyon ng Department of Education (DepEd) sa nangyaring pamamato ng scotch tape at maaring mawalan ng lisyensa ang guro kung mapatunayan na may ginawa nga itong masama sa gitna ng kanyang pagtuturo.

Matatandaan na mahigpit ng ipinagbabawal ang pananakit ng mga guro sa kanilang mga estudyante bilang parte ng pagdisiplina sa mga ito.

Nagpakita rin ng pag-aalala ang ilang netizens sa nasabing estudyante at umaasa na bubuti na ang kalagayan nito.

Ngunit mayroon din naman na sinisi ang estudyante sa nangyari at kung hindi naman daw ito naging pasaway ay walang mangyayaring masama sa kanya.

 

Ogie Diaz, papadalhan ng abogado ng ulo ng isda matapos itong magreklamo sa presyo ng sardinas

Hindi napigilan ng talent manager at showbiz reporter na si Ogie Diaz na umaray sa presyo ngayon ng de-latang sardinas na itinuturing na pagkain ng masang Pilipino.

Sa kanyang tweet, ibinahagi ni Ogie ang kanyang reklamo dahil sa nasa P23 na diumano ang presyo ngayon ng sardinas.

“Juice ko, 23 pesos na ang sardinas ngayon. Di bale sana kung kasama na ang ulo ng isda. Sad, no?” ani Ogie.

Pumalag naman ang kilalang abogado ni Atty. Ferdinand Topacio sa banat ni Mama Ogs at sinabi na padadalhan nito ang talent manager ng ulo ng isda.

“Saan ka nakatira. Padadalhan kita ng ulo ng isda.” sabi ni Topacio.

Wala pang tugon si Ogie sa hamon ng nasabing abogado na kilala sa mga bigatin nitong kliyente.

Maliban sa sardinas ay nagreklamo din si Diaz sa tila dumadaming namamalimos ngayon sa mga kalsada at sa mga opisyal ng gobyerno na inuuna pa diumano ang sumipsip.

mama ogs 1

Matatandaan na marami ang umaaray na mamimili ngayon dahil sa patuloy na pagtaas ng mga bilihin kasama na ang mga karne at gulay.

Naniniwala ang ilan na ang mataas na inflation rate na hinaharap ngayon ng bansa ang dahilan kung bakit walang tigil ang pagtaas ng mga bilihin sa mga pamilihan.

Sinabi naman ni Pangulong Ferdinand Marcos Jr. na tinututukan nila kung paano mapapabagal ang inflation sa bansa lalo na’t papalapit na ang Pasko.

“Once again, we are always very conscious of the inflation rate because this reflects the cost of living of ordinary people, so that is still a great concern to us. But we have created the jobs, we have started the growth and that will pull us out of the debt situation that we are in,” ani Marcos.

Awkward! US VP Kamala Harris, harap-harapan tinanggi kay PBBM na pumunta siya sa Palawan para magliwaliw

The bilateral meeting between United States Vice President Kamala Harris and Philippine President Ferdinand “Bongbong” Marcos Jr. has gone awkward for a moment.

On November 23, a part of the discussion between Harris and Marcos has gone viral on social media because of the answer of the US VP to the remarks of the Philippine President.

During the said discussion, Marcos assumed that Harris went to Palawan to visit the beautiful places there including its resorts and beaches.

“We would have hoped to have shown you more of the Philippines. Although, I suppose you actually are doing that because you are seeing some of the prettiest parts of the Philippines in Palawan,” Marcos said.

“And I’m sure you’re just going to the resorts and the beaches,” he added.

However, Harris quickly clarified that she was not visiting Palawan for vacation but to do her job as a government official.

“That is not the life I’ve chosen these days,” the VP said.

They just laughed together and Marcos changed the topic.

Some netizens then criticized Marcos for assuming that Harris went to the Philippines to have a vacation.

“This is so embarrassing. BBM trying to make a joke about Kamala Harris, a Vice President of the US, on a diplomatic visit, vacationing instead of working! Is this his mindset? That him being President is all about vacationing????” netizen @gabrieldivina2 said.

“Kasi siya more pleasure ang business trips kesa business. Napahiya ka tuloy sa VP na na may professionalism.” netizen @cestoplavie remarked.

 

Kat Alano, muling nagsalita matapos ilipat si Vhong Navarro sa BJMP: “This man destroyed peoples lives.”

Sa gitna ng pagkakalipat ni Vhong Navarro sa BJMP ay nagsalita muli si Kat Alano tungkol sa naging karanasan niya tungkol sa isang celebrity na diumano’y gumawa ng kahalayan sa kanya.

Sa kanyang mga tweet, ibinahagi ni Kat ang kanyang pagkalungkot sa mga nagtatanggol sa taong diumano’y gumawa ng kasamaan sa kanya at tila pinapalabas pa na siya ang masama.

Ayon kay Kat ay sobrang tindi ng kanyang naranasan sa loob ng 17 na taon dahil sa ginawa sa kanya ng nasabing celebrity na hindi niya diretsahan na pinapangalanan hanggang ngayon.

“How about we actually talk about how much I have suffered in 17 years.” ani Kat.

“Just because you don’t hear about it in the media DOESN’T MEAN WE HAVEN’T SUFFERED BECAUSE OF THE ACTIONS OF ONE MAN!!!!” sabi pa niya.

kat 1
Larawan mula kay @katalano/Twitter

Suspetsa pa nito ay may mga diumano’y grupo ang nasabing celebrity na ginawa upang siraan ang mga babae na biktima nito.

Sinabihan din nito ang mga fans ng nasabing celebrity na kung naghihirap siya ngayon ay dahil narin ‘yun sa sarili niyang kagagawan sa mga biktima niya.

“Sorry guys, nagalit ako. I’m tired of these moves they keep making. This man destroyed peoples lives. I don’t care if you’re b*tt hurt that your idol is a bad man. Kasalanan niya din yun.” sabi pa ni Kat.

kat alano 3
Larawan mula kay @katalano/Twitter

Matatandaan na kapag pinag-uusapan si Vhong at kung nagkakaroon ng update tungkol sa kasong isinampa laban sa kanya ni Deniece Cornejo ay sumasabay din sa paglalabas ng pahayag si Kat.

Kaya naman ilang netizens ang may suspetsa kung sino nga bang celebrity ang pinapatamaan ni Kat sa kanyang mga tweet.

Noong 2020 ay ipinaliwanag din nito kung bakit hindi siya nagsampa ng kaso laban sa kilalang celebrity dahil narin sa diumano’y koneksyon nito sa gobyerno.