Daily BNC NEWS

Isang ginang ang nagdadalawang isip na ngayon kung ipagpapatuloy ang kanilang community pantry sa Caloocan dahil sa napakabilis nitong pagkaubos.

Ayon sa kwento ng nagtayo ng community pantry na si Myrna Mercado, ginusto talaga nilang gayahin ang bayanihan na isinasagawa ngayon sa iba’t ibang parte ng Maynila.

Ngunit ng magtayo sila ng community pantry ay nagulat sila sa dami ng biglang pumila.

Kwento niya, ilan sa mga pumila ay buong mag anak, may ilan pang pabalik balik at mayroon din na kumuha ng isang tray ng kanilang itlog.

“Sa ngayon nag iisip pa kami kasi gusto namin tumulong kaso yung iba talagang nagsamantala san ka nakakita buong pamilya nakapila san ka nakakita isang tray na itlog kinuha san ka nakakita na talagang bumabalik balik sila sa pila so pano mo pa ulit gagawin kung yung iba niloloko lang yung mga tumutulong nakakadala diba parang game is over,” ani Mercado.

Sa isang video na kanilang ipinasa sa social media ay makikita na wala na sa ayos ang community pantry nila at may ilan na sumisingit na sa pila.

Sa ngayon ay desidido parin nilang itayo ang kanilang community pantry ngunit hindi nila sigurado kung magtatagal ito.

Sa iba pang katanungan, maari niyo lamang padalhan ng mensahe si Ms. Myrna Mercado.

Matatandaan na nag viral din kanina sa social media ang ilang kababaihan na sinimot ang isang community pantry sa Pasig.

Paliwanag naman ng mga sumimot ay gusto lamang nilang ipamahagi ang kanilang nakuha sa kanilang mga kapitbahay.

Ngunit itinanggi naman ng mga kapitbahay ng mga babae na nakatanggap sila ni isang itlog sa grupo.

Hindi na nakapagpigil ang isa sa mga babae na ngayo’y sikat na sikat sa social media matapos mahuli na habang sinisimot ang isang community pantry sa Pasig City.

Sa ilang kumakalat na screenshot sa social media, nagpakilala ang isang nagngangalang Maricar at inangkin na isa siya sa mga sumimot sa nasabing community pantry na pagmamay-ari ni Carla Quiogue.

Ayon sa kanya ay hindi naman daw para sa kanila ang kanilang mga kinuha kundi para sa kanilang mga kapitbahay na kapos palad.

“Isa po ako dun sa kumuha bago po sana kayo mag bitaw ng salita isipin muna natin. Kasi hindi naman po sinarili yan. Actually namigay din kami sa mga kapit bahay namin. Hindi po napunta samin lahat yan. Tanong lang po kung sa inyo may ganyan magbibigyan niyo po ba kami?” banat ni Maricar.

“Kahit nga po hindi kami naabutan ng galing sa inyo hindi po kami nag sasalita ng masakit, isipin niyo po yun salamat parin po. Dahil alam din po ng nag bigay na nag share din kami kaya wag na po tayo magsalita ng bad!” dagdag niya pa.

Ngunit ayon sa isang report ng GMA-7 ay hindi naman daw nabigyan ang mga kapitbahay na sinasabi ni Maricar kaya naman nagtataka sila kung bakit pati sila ay nadamay sa isyu.

May isang netizen naman ang nag share ng diumano’y pag uusap nila ni Maricar.

Hindi naman naging maganda ang ending ng kanilang pag uusap at nagbanta pa si Maricar na ipapakulam niya ang netizen.

“Good luck sayo ako hinamon mo tignan natin ano mangyayari sayo dahil sa mga sinasabi mo humanap ka na ng albularyo mo,” sabi ni Maricar sa nasabing pag uusap.

Hindi pa nagbibigay ng opisyal na pahayag ang ibang babae na nakuhanan sa video.

Huling huli sa camera ang ilang kababaihan habang sinisimot ang isang community pantry sa hindi pa malamang lugar.

Hindi sinunod ng mga nasabing babae ang batas sa mga community pantry kung saan ay sinasabi na “Kumuha lamang ng naayon sa iyong pangangailangan” dahil sinimot nila lahat ng nakalagay sa nasabing pantry.

Lungkot na lungkot naman ang may ari ng community pantry na hindi na natin papangalanan.

“Just when I thought na solid mga pinoy sa tulungan. May isang group ng babae na tinangay lahat pati dalawang tray ng itlog. Walang tinira. Sana talagang yun yung kailangan nila,” sabi ng netizen.

Mabuti na lamang at maraming netizen ang nagmagandang loob na magbigay ng tulong sa may ari ng nasabing community pantry kaya naman tuloy ang kanilang pamimigay.

“Itutuloy po namin ang community pantry tomorrow. Marami nang nagmessage para mag contribute,” dagdag niya pa.

Umabot na ng libo libong shares ang nasabing post.

Naging viral ngayon sa social media ang mga community pantry dahil narin sa madami ang nangangailangan ngayon ng tulong.

Dito rin nasubukan ang bayanihan spirit ng mga Pilipino dahil kahit na kapos ay may ilan parin ang mas piniling tumulong at mag ambag sa mga community pantry.

Ibinahagi ng aktres na si Ellen Adarna ang kanyang gagawin kung sakali man na lokohin siya ng kanyang fiancé na si Derek Ramsay para sa ibang babae.

Sa kanyang Instagram story, sinagot ni Ellen ang katanungan na “If Derek cheats on you, will you forgive and still accept him?”.

Agad naman itong sinagot ni Ellen at sinabi na hinding hindi niya mapapatawad si Derek kung sakali man na lokohin siya nito.

“No!, no, no, no,” sagot ni Ellen habang tinitignan ang kanyang fiancé.

Pumalag naman ang aktor at sinabi na hinding hindi niya lolokohin si Ellen.

“No, I will not cheat on you. Why talk about negativity?” tanong ni Derek.

Hindi maiwasan ng mga tao na magduda kay Derek lalo na’t madami ng dumaan na babae sa kanyang buhay.

Matatandaan na noong nakaraang taon lamang ay naging karelasyon ni Derek ang aktres na si Andrea Torres at napag usapan narin nila noon ang pagpapakasal.

Ngunit naghiwalay din ang dalawa at nito ngang Enero ay naging magkarelasyon naman si Derek at Ellen.

“May relasyon kami, oo. It’s just nagkakilala kami, from the dinner, everyday, workout,” pag amin noon ng aktor.

Ginulat din ng dalawa ang publiko matapos mag propose ang aktor kay Ellen kahit na ilang buwan pa lamang silang magkarelasyon.

Nakatakdang ikasal ang dalawa ngayong taon.

Hindi biro ang pinagdadaanan ngayon ng vlogger na si Buknoy Glamur matapos ang kanyang mga pahayag laban kay Awra Briguela, Vice Ganda at Ion Perez.

Napapabalita kasi na pinag aaralan ng kampo ni Vice ang pagsasampa ng kaso laban kay Buknoy dahil sa pahayag nito na ang nobyo daw ng komedyante na si Ion Perez ay nagkaroon daw ng relasyon kay Awra.

Sa isang panayam, sinabi ni Awra sinabi niya na nakausap niya daw si Vice tungkol sa sinabi ni Buknoy sa isang live video kasama ang kanyang kaibigan na si Gabo Adeva.

“Nung nakita ko yung video minessage ko agad kay meme at sabi niya kinakausap na niya yung lawyers for the possible cases for that, and hindi pa ito yung time for me to speak up kasi I’m not knowledgeable enough to speak up of now,” sabi ni Awra.

Dahil sa nangyari ay humingi ng tawad si Gabo at Buknoy sa social media.

“Gusto ko rin po humingi ng sorry kay Awra sa mga binitawan kong laos, o kung bakit ka binitawan ni Meme. Kay Meme Vice na nasabihan ko ng mga mali na hindi kaaya-aya, ‘tsaka kay Ion, sorry po sa mga nasabi ko na hindi niyo nagustuhan. Sana mapatawad niyo ako,”ani Buknoy.

Dahil sa kanilang ginawa, mag mumulta si Buknoy at Gabo ng 100,000.

 

View this post on Instagram

 

A post shared by Kapamilya Online World (@kowalerts)

Hindi pa nagbibigay ng pahayag si Awra at si Vice matapos humingi ng tawad si Buknoy.

Pinuna si Regine Velasquez at Ogie Alcasid ng ilang netizens matapos nilang i-anunsyo ang kanilang pagpapabakuna.

Sa kanilang Instagram post, inanunsyo ni Ogie ang pagpapabakuna nila ng kanyang asawa dahil daw siya ay may comorbidity kaya naman kasama sila sa mga priority ng gobyerno para mapabakunahan.

“Kaming mag asawa ay may comorbidity kaya nakakuha po kami sa QC ng slot at kami ay napabakunahan na,” sabi ni Ogie sa kanyang Instagram post.

Nag umpisang punahin ng mga netizens si Ogie at Regine ng mag post ang blogger na si MJ Quiambao Reyes kung saan ay nag post siya ng mensahe na “This is what Pinabayaan looks like”.

Maaring tugon ito ni MJ sa mensahe noon ni Regine kung saan ay inirereklamo nito ang tila pagpapabaya sa mga tao.

“Bakit parang pinabayaan na lang tayo? Kanya kanya matira matibay ganon na lang ba talaga? Every single day may nalalagas sa atin. What’s happening??” tanong ni Regine.

Kinuwestiyon ng ilang followers ni MJ ang pagkakalagay nila Ogie at Regine sa priority list.

“I thought 1st for frontliners then after 65yrs old and above .. thats how it worked here in the States .. no excuses, no celebrities .. all were equally handled here,” ani Ireneelsa Tata.

“Ang kapal ng mag-asawang ogie and regine at yung iba pang mga celebrities na panaybbatikos sa gobyerno. mas nauna pa kesa sa mga tunay na nangangailangan ng bakuna. walang konsensya!!!!!!!!!!!!!!” sabi ni Reeves Bisai Sagario.

“Lagi nasa balita ni minsan di nyo nabanggit na may sakit kayo. Tapos nung bakunahan na bigla bigla may comorbidity na kaya naunang turukan? Ni hindi man lang kayo magpasalamat after,” komento ni Librado Pecjo.

Hindi naman binanggit ni Regine o Ogie kung ano ang kanilang karamdaman.

Inamin ng aktres na si Yam Concepcion na matagal niya ng pinapangarap ang maging katambal ang aktor na si Gerald Anderson.

Natupad naman ang hiling ni Yam ng maging katambal niya si Gerald sa palabas ngayon ng ABS-CBN na “Init sa Magdamag” kung saan ay maiinit na scenes ang kanilang ginagawa.

Ayon sa kanya ay siyam na taon niyang inasaham ang pagkakataon na mangyari ito.

Nakita ng ilang netizens ang panayam noong 2012 kay Yam kung saan ay sinabi nito na gustong gusto niyang makatambal si Gerald.

Matatandaan na ilang beses binalaan ng mga netizens si Yam na mag ingat kay Gerald dahil daw sa pagiging ‘babaero’ nito.

Ngunit kumpiyansa naman si Yam na walang gagawing masama sa kanya si Gerald.

“Siyempre nakikita nila sa TV, sinasabi nila, ‘Naku, matinik sa babae ‘yan! Hindi loyal.’ Hindi, e. ‘Pag katrabaho mo si Gerald, he’s very professional at saka very gentleman. Hindi niya pinaramdam sa akin na may mali siya.” paliwanag ni Yam.

“It’s just purely work. Despite being purely work, naparamdam niya sa akin ‘yung emosyon na totoo. I still felt his honesty bilang si Tupe, ‘yung character niya,” dagdag niya pa.

Hindi naman nagbigay ng pahayag ang nobya ni Gerald na si Julia tungkol sa tambalan ng kanyang nobyo at ni Yam.