Palaiisipan parin hanggang ngayon kung ano ang naging dahilan ng pagkahulog ng dalawang hindi pa nakikilalang mga lalaki sa flyover sa pagitan ng MRT-3 Taft at Magallanes station.

Nitong 6:37 P.M ay naiulat ang pagkahulog ng dalawang lalaki na agad namang binawian ng buhay matapos silang bumagsak sa mismong riles ng MRT-3.

Dahil dito ay pansamantalang isinara ang operasyon ng tren at agad naman itong itinuloy nitong 7:26 PM matapos maalis ang katawan ng dalawa.

Ayon sa mga saksi ay magka-angkas sa motor ang dalawang lalaki at posibleng bumangga ito sa gilid ng flyover na naging dahilan kung bakit sila nahulog.

Dalawang lalaking magka-angkas sa motorsiklo, patay matapos mahulog sa riles ng MRT 3 mula sa EDSA Tramo Flyover. | via @ralphobinapic.twitter.com/tNowTVOmyb

— DZBB Super Radyo (@dzbb) June 12, 2022

Sa ngayon ay patuloy na kinikilala ng mga otoridad ang mga biktima.

Nauna ng itinanggi ng MRT-3 na nagkaroon ng aberya ang kanilang mga tren kaya nila itinigil pansamantala ang operasyon.