Monday, October 3, 2022
HomePoliticsBongbong Marcos, ipinakita ang diumano'y sugat na nakuha niya habang nakikipagkamay sa...

Bongbong Marcos, ipinakita ang diumano’y sugat na nakuha niya habang nakikipagkamay sa mga tao

Itinanggi ng kampo ni presidential candidate Bongbong Marcos na ayaw makipagkamay ng dating senador sa publiko.

Sa kanilang pahayag, ipinaliwanag ni Atty. Vic Rodriguez, tagapagsalita ni marcos na umiiwas lamang daw ang kanilang kandidato sa pakikipagkamay dahil sa mayroon itong sugat sa kanyang braso.

“Hindi umiiwas sa handshake si BBM, kundi iniiwas lamang [niya] ang kanyang kamay na nagkasugat sa braso malapit sa may pulso na tila nagka-impeksyon,” ani Rodriguez.

Ibinahagi din nila ang larawan ni Marcos kung saan ay ipinapakita nito ang kanyang sugat na mayroon ng bendahe.

Larawan mula sa kampo ni Bongbong Marcos

Ayon kay Rodriguez ay nakuha ng dating senador ang sugat habang nakikipagkamay sa kanyang mga tagasuporta sa Cavite.

Matatandaan na nag viral sa social media ang isang video kung saan ay makikita si Marcos habang tila iniiwasan na makipagkamay sa kanyang mga tagasuporta.

May ilang netizen naman ang nagduda sa ibinahaging larawan ng kampo ni Marcos.

Ayon kasi sa kanila ay ibang kamay naman daw ang ginamit ni Marcos sa nasabing video.

“Bakit kaliwa yung may sugat e kanan naman yung ini iwas mo sa video hahah. Pepekiin mo kami BBM,” tanong ng isang netizen.

Ipinagtanggol naman ng ibang netizens si Marcos at sinabi na maaring nag-iingat na ang senador kaya’t hindi na nito masyadong inilalapit ang kamay niya sa mga tagasuporta niya.

“Di ba pwde mag ingat lods kita nmn may sugat yung kabila mag papasugat ka uli,” sabi naman ni Jvincent Delicano.

Facebook Comments
RELATED ARTICLES

Most Popular